Ina Zhupa zbardh çfarë ndodhi ditën e djeshme në mbledhjen e Kryesisë së Partisë Demokratike. Duke qenë se edhe vetë është pjesë e kryesisë, Zhupa rrëfen se po qarkullon një lajm i pavërtetë, lidhur me mënyrën si u votua. Siç shkruan sot kanë qenë 24 demokratë kundër propozimit për të larguar Bashën dhe 10 abstenime.
REAGIMI I PLOTË:
”Më vjen shumë keq kur shikoj të përhapur një lajm fals që nuk e kuptoj dot nga e ka burimin. Ndjej si detyrë të informoj se dje në mbledhjen e kryesisë, pjesë e të cilës jam edhe unë kemi zhvilluar disa votime.
Votimi i parë dhe ai që është përhapur si FAKE NEWS ishte propozimi i anëtarit të kryesisë Gent Malko i bërë edhe publik. Ky propozim u hodh në votim nga treshja drejtuese e kryesisë.
Në këtë votim rezultati ishte:
24 Kunder propozimit te Z. Malko
11 Pro propozimit të Z. Malko
10 Abstenime
Pa dashur të bëj publike emrat e anëtarëve dhe votën se nuk është detyra ime, desha të bëj me dije që çdo lajm që flet për rezultat abstenues është i pavërtetë.
Interpretimet e këtij rezultati të vërtetë po ja lë gjithsecilit t’i bëjë.
Një gjë është e sigurt PD sapo ka hapur një garë, e cila duhet të na forcojë, të na bashkojë dhe të na japë mundësi të ecim përpara. Fituesin e përcakton anëtarësia e partisë sipas parimit: Një anëtar, një votë.” (V.G/SHUPLAKA)
Discussion about this post