Inagurimi i Pediatrisë në QSUT, Rama: Po diskutojmë hapjen e një laboratori rajonal të AI, pjesë e instilacionit të SHIBA-s

Kryeministri Edi Rama dhe Ministrja e Shëndetësisë dhe Mbrojtjes Sociale, Albana Koçiu në inaugurimin e Spitalit të Pediatrisë së Përgjithshme në QSUNT, që transformohet tashmë në një strukturë moderne

“Vi përsëri këtu për një tjetër derë që hapim në këtë qendër spitalore ku transformimi është i gjithanshëm dhe ende pak struktura mbeten për t’u integruar në këtë tërësi të transformuar.

Më vjen mirë që mjekët dhe infermierët kanë në dispozicion një strukturë të standardeve bashkëkohore.

Po diskutojmë për hapjen e një laboratori rajonal të AI pjesë e instilacionit të laboratorëve të SHIBA-s, që do të na japë mundësi të përfitojmë nga puna e labortatorëve të tjerë të këtij instalacioni duke hapur një mundësi të re për mjekët që duan të sjellin inovacion dhe zgjidhje të reja përmes teknologjisë”, tha ai.