‘Inati personali i Ramës me Becchetti’, gazetari: Kjo është gënjeshtra e fundit e kryeministrit

Nëpërmjet një statusi në Facebook, gazetari Andi Bejtja është shprehur se gënjeshtra e thënë dje në Opinion, lidhur me gjyqin e Agon Channel, mund të jetë gënjeshtra e tij e fundit.

Sipas gazetarit, si çdo gjë tjetër dhe kësaj rradhe  opinion publik shqiptar u gënjye për diçka që tashmë është publike, edhe pse kryeministri zgjodhi të mos fliste për arsye kofidencialiteti.

Gjatë shkrimit të tij Bejtja shprehet se ky vendim I marrë për pagesën e 100 milionë euro, është I apapelueshën dhe i prerë.

Postim i plotë:

Një gënjeshtër tjetër e Kryeministrit në Opinion, ndoshta e fundit

Mbëmë, në një debat me Kryeministrin Edi Rama në emisionin Opinion të Blendi Fevziut, e pyeta Kryeministrin nëse kishte dijeni në lidhje me një gjyq të humbur nga qeveria shqiptare me Agon Channel në një shumë mbi 100 miloin euro. Kryeministri u përgjigj se nuk mund të fliste për këtë pasi e pengonte një klauzolë konfidencialiteti. Jo vetëm unë por dhe shqiptarët nuk morrën një përgjigje. Madje sot po të flasim në gjuhë juridike, mund të themi se ishte një devijim i plotë nga e vërteta.

I pasqaruar mirë nga kjo përgjigje e Kryeministrit, jo vetëm unë por gjithë publiku Shqiptar, m’u desh për pak minuta të bëhem edhe jurist. U futa në faqen e ICSID dhe pashë nenet e Konventëës, e cila është e thjeshtë dhe e kuptueshme për këdo.

Si konkluzion, më rezulton që secila nga palët në arbitrazh është e lirë sipas vullnetit të saj të bëjë publike në çdo moment vendimin e gjykatës. Pra Kryeministri i vendit, nqs donte të ishte transparent me shqiptarët që fatkeqësisht do të paguajnë këtë dëm të vendosur nga Gjykata ndërkombëtare ICSID, i gjithi si pasojë e veprimeve dhe hakmarrjes së tij personale ndaj Agon Channel dhe biznesmenit Francesco Becchetti, kishte mundësi ta bënte këtë që mbrëmë.

Madje sipas Konventës, vendimi i arbitrazhit ICSID është një vendim përfundimtar, menjëherë i ekzekutueshëm dhe i pa apelueshëm në rrugë të zakonshme, përveç rasteve të jashtëzakonshme të lidhura me difekte të rënda procedurale dhe me formimin e rregullt të gjykatës, por që nuk aplikohen për rastin në fjalë.

Me sa duket kjo ishte një gënjeshtër tjetër nga shumë gënjeshtra të tjera që u thanë mbrëmë nga Kryeministri në Opinion.

Meqë nuk është problem konfidencialiteti ndoshta mund të kthehemi prap në Opinion, Kryeministri të sjellë vendimin me shifrën e detajuar përkatëse dhe të bëjmë transarencë në sy të opinionit public shqiptar.