Kryetari i Partisë Demokratike, Lulzim Basha, ka bërë me dije pjesëmarrjen edhe në Lutjen Kombëtare Ndërfetare të mbajtur në Ëashington, në kuadër të inaugurimit të Presidentit të ri të SHBA-ve, Donald Trump.
Pjesëmarrjen në këtë ritual, ai e ka bërë të ditur vetë teksa shpjegon se është nder i madh për të prania në ritualin, tradita e të cilit daton që nga inaugurimi i Presidentit të parë të SHBA-ve, George Ëashington.
“Nder dhe privilegj i rrallë të isha i ftuar në Lutjen Kombëtare Ndërfetare në Katedralen e Ëashingtonit, që përmbylli ceremoninë e inagurimit të Presidentit Trump, – shkruan Basha në Fb. – Tradita e këtij rituali madhështor daton nga inagurimi i Presidentit të parë të SHBA, George Ëashington.
Udhëheqës shpirtërorë të të gjitha feve lexuan pjesë nga Tora, Bibla, Kurani dhe shkrime të tjera të shenjta dhe u bashkuan në lutje për suksesin e Presidentit Trump dhe administratës së re si dhe për paqe dhe prosperitet në Amerikë dhe në mbarë botën.
Pas ceremonisë pata rastin të jap përshtypjet e mia në median amerikane mbi inagurimin e Presidentit Trump, ceremoninë e Lutjes Kombëtare dhe traditën unike shqiptare të bashkëjetesës fetare. Zoti e bekoftë Amerikën! Zoti e bekoftë Shqipërinë!” – shkruan Basha. (XH.A/SHUPLAKA)
Discussion about this post