Ditën e sotme Kuvendi i Maqedonisë së Veriut mblidhet sot në një seancë solemne për inaugurimin e presidentit ë sapo zgjedhur Stevo Pendarovski.
Në betimin e Pendarovskit para Kuvendit do të marrin pjesë edhe nga homologët e tij Ilir Meta, Hashim Thaçi, Rumen Radev nga Bullgaria, Aleksander Vuçiç, zëvendëskryeministri i Turqisë, delegacioni i Sllovenisë dhe kori diplomatik në vend.
Mediat maqedonase bëjnë me dije se pavarësisht marrjes së ftesës, në këtë ceremony do të mungojë presidenti i Greqisë, Prokopis Pavlopulos dhe shkak për këtë mësohet të jetë një vizitë e tij në Kinë. Por mësohet se në vendin e tij, qeveria greke ka deleguar ministrin e Jashtëm, Georgios Katrougalos.
Në të njëjtën seancë do të marrin pjesë edhe përfaqësues të komuniteteve fetare, gjykatës dhe prokuror.
Pas inaugurimit, Pendarovski do të niset për rezidencën e presidentit në Vodno hu gjatë pranim-dorëzimit të detyrës, Pendarovski do të prezantohet me kabinetin e presidentit në ikje Gjorge Ivanov. Pas përfundimit të takimit, Pendarovski dhe Ivanov do të mbajnë konferencë të përbashkët për media.
Pendarovski zgjidhet president pas fitores në raundin e dytë në zgjedhjet e pesta presidenciale në Maqedoninë e Veriut që prej shpalljes së Pavarësisë. Në mandatin e tij, Pendarovski do të jetë presidenti i pestë i “Maqedonisë”, ndërsa i pari i Maqedonisë së Veriut pas marrëveshjes historike me Greqinë për ndyshimin e emrit.
(F.GJ/FAXWEB.AL)
Discussion about this post