Kandidati për kryetar i Partisë Demokratike, Eduard Selami ka pasur ditën e sotme një incident në ambientet e brendshme të selisë blu.
Mësohet se shoferi i deputetes Mimoza Hajdarmataj, Alfred Dollapi i është drejtuar me një gjuhë të ashpër Selamit, pak minuta pas konferencës për shtyp madje duke e kërcënuar atë.
“Çfarë pune ke ti këtu, ça do këtu? Nuk të lë as të hysh në selinë e PD, pasi nuk ke çfarë kërkon këtu?”, mësohet t’i jetë drejtuar shoferi i deputetes kandidatit për kryetar partie Eduard Selami.
Po ashtu bëhet me dije se Selami ka ruajtur qetësinë nga e gjithë kjo situatë, dhe debati duket të ketë mbaruar aty.
Selami ka folur për “Panoramën” duke e konfirmuar incidentin në fjalë.
“Pati një incident të pakëndshëm sot në Seline e Partise Demokratike që unë më vonë e mësova se kush ishte. Megjjthatë unë do shoh përpara dhe e rëndësishme është gara në PD”, mësohet të jetë shprehur Selami.
(M.D/Shuplaka)
Discussion about this post