Ndërkohë që studiot ku zhvillohet spektakli “E diela shqiptare” janë ende duke u bërë gati, kjo ka bërë që edhe vetë spektakli të mos dihet se kur do të nisë. Vonesat në përgatitjen e studios, kanë bërë që shorti i “Telebingos Shqiptare” të hidhet në ambientet e jashtme të televizionit.
Por pavarësisht kësaj, në momentin e hedhjes së goglave diçka nuk ka funksionuar. Aparatura e hedhjes së tyre, nuk ka punuar dhe ndonëse drejtuesi i spektaklit Ardit Gjebrea u mundua tu jepte kohë teknikëve për rregullimin e pajisjes, sërish ka qenë i pamundur kthimi në normalitet.
Duke parë se në të tillë situatë “Telebingo Shqiptare” do të dështonte, Gjebrea ka dalë jashtë parashikimeve, duke dhënë një zgjidhje momentale. Ai mori një nga balerinat e emisionit, ia lidhi sytë në mënyrë që rolin e makinerisë ta bënte ajo, pra të tërhiqte goglat me dorë.
Kjo gjetje e minutave të fundit, bëri që shorti të mos dështonte, ndrsa nuk dihet ende se kur do të jetë gati studioja.
(B.B/ Faxweb.al)
Discussion about this post