Tensione të larta janë regjistruar në qendrën e votimit nr. 27, në qytetin e Vorës, ku protagonist është bërë Sekretari i Përgjithshëm i PD, Flamur Noka dhe një nga aktivistët e Partisë Socialiste.
Në pamjet e siguruara shihet se i thotë aktivistit të PS “je horr dhe ushtar i Xhabaftëve” dhe i kërkon të dalë nga qendra e votimit, ndërsa ky i fundit ia kthen: “Pranoje humbjen. Unë jam qytetar dhe votues i Vorës. Lini njerëzit të votojnë të lirë.
Noka ndërkohë para mediave tha se në këtë qendër votimit në Vorë, persona të pajisur me bezha si vëzhgues po dirigjojnë procesin e votimit. Noka pretendon për manipulim, ndërsa kërcënon se ata që po shkelin ligjin “do të zvarriten qelive”.
