Kryetarja e Bashkisë së Shkodrës, Voltana Ademi, ka reaguar lidhur me incidentin e shënuar ditën e sotme në qytetin e Shkodrës, ku Policia Bashkiake është përplasur me atë të Shtetit.
Kryebashkiakja Ademi e ka konsideruar këtë ndërhyrje si të paligjshme dhe ka kërkuar që policia e rendit të mos bëhet shkak për ndërprerjen e aktivitetit.
“Ndërhyrja e paligjshme, për të mos lejuar zhvillimin e aktivitetit. Aktiviteti zhvillohet nga Bashkia me rastin e Ditës Ndërkombëtare të Familjes. Bashkia e Shkodrës do të ketë aktivitete edhe në orarin 17:00-20:00. Bllokimi nga policia e rendit u bë me pretendimin se do organizohet një takim i PS-së. I bëj thirrje kryeministrit Rama të mos provokojë. Rama lejen për aktivitetin s’e ka në oborrin e Bashkisë, por lejen për aktivitetin e ka pranë Prefekturës.”, është shprehur kryebashkiakja e Shkodrës.
Shkak i përplasjes mes dy policive është bërë vendosja e podiumit ku pritet të flasë kreu i Qeverisë, kryeministri Rama, i cili do të zhvillojë sot një takim në Shkodër.
(XH.A/SHUPLAKA)
Discussion about this post