Incidenti që s’u kap/ Deputeti gjuan Ramën me ligjin e Arsimit të Lartë

Deputeti Luçiano Boçi ka gjuajtur në drejtim të kryeministrit Edi Rama ligjin e Arsimit të Lartë që sipas PD-së është problemi i vetëm i çështjes së studentëve.

Boçi u shpreh:

• PD mbështet plotësisht studentët.
• PD është për shfuqizimin e ligjit për arsimin e lartë.
• Ligji për arsimin e lartë zhvat studentët dhe është burim i së keqes
• Ligji i ri për arsimin duhet të garantojë autonominë dhe tarifa të ulëta

Të njëjtin gjest ka bërë dhe Salianji, ndërsa Kryetari i Grupit të LSI-së, Petrit Vasili e ka ofenduar kryeministrin duke e quajtur “idiot”.

“Votoje amendamentin… Ik o idiot”, ka thënë Vasili. Ndërkohë që Kryeministri Rama tha se: “Protesta i dha një shuplakë qeverisë, një grusht opozitës dhe një shpresë shoqërisë”.

Rama refuzoi që të diskutohej mbi amandamentet e propozuara nga LSI-së, duke thënë se dialogu i qeverisë do të jetë vetëm me studentët.

(E.K/FAXWEB.AL)