Rudina Hajdari ka shpërthyer në akuza në drejtim të opozitës jashtëparlamentare, që sipas saj ka frikë nga ndryshimi i sistemit.
Duke iu referuar takimit sot me grupin e Reformës, Hajdari tha se ndryshimi i sistemit i shërben fuqizimit të qytetarëve, të cilët duhet të vendosin për personat që ata duan, duke zgjedhur drejpërdrejtë deputetët e tyre.
“Kjo opozitë jashtëparlamentare refuzon ndryshimin e sistemit, ndërkohë që PS mbetet e hapur për ndryshimin e tij.
Ne besojmë se ndryshimi i sistemit do ti shërbejë fuqizimit të qytetarit, opozita jashtë parlamentit nuk duhet të ketë frikë.
Nësea ata dalin sot duke bërë video të shtrenjta nga zyra e partive, ata nuk e duan ndryshimin e sistemit. Ne nuk mund të mbajmë këtë sistem që fuqizon dhe bën të gjithëpushtetshëm kryetarët e partive.
Qytetarët duhet të votojnë atë person që ata duan.
Diskutuam dhe për depolitizimin e administratës zgjedhore, theksova që jam pro kësaj, dhe faktit që partitë të kenë të drejtën e apelimit, në rast kur kanë pretendime”, u shpreh Hajdari në fjalën e saj.
Hajdari propozoi dhe listat e hapura, që sipas saj mund të vendosen pa qenë e nevojshme që të ndërhyhet në Kushtetutë, ndërsa në fund lëshoi dhe një kërcënim, teksa tha: Nuk do të lëshoj asnjë cm nga kjo kauzë!
Reforma Zgjedhore kishte si afat final datën 15 Mars, por duket se sipas të gjitha gjasave kjo datë do të shtyhet, pasi mes palëve ka ende shumë çështje të pazgjidhura.
(E.K/Faxweb.al)
