Çdo formë e bashkëpunimit ushtarak me Australinë është pezulluar nga ana e shtetit indonezian. Në deklaratën e Indonezisë thuhet se shumë gjëra kanë nevojë për përmirësim përpara se bashkëpunimi të rivendoset sërish.
Zyrtarët e ushtrisë indoneziane kanë bërë me dije se ndërprerja e bashkëpunimit ushtarak ka ardhur si pasojë e disa arsyeve teknike. Sipas mediave vendase në Indonezi, ndërprerja e bashkëpunimit mes forcave ushtarake ka ardhur si pasojë e gjetjes së disa materialeve ofenduese në një bazë australiane.
Si rezultat i këtij vendimi të shtetit indonezian, janë ndërprerë edhe stërvitjet e përbashkëta të vendeve.
Deri tani, ende nuk ka një reagim zyrtar nga ana e Australisë, por pritet që marrëdhënia ushtarake mes dy vendeve të rifillojë së shpejti. (XH.A/SHUPLAKA)
