25 vjeçari Ines Hajrulla, objektivi i atentatit me tritol të hënën në qytetin e Vlorës po vijon të trajtohet në Tiranë, ndërsa burime pranë familjes thonë se tashmë ka dalë nga rreziku për jetën.
I riu i është nënshtruar një ndërhyrjeje të gjatë kirurgjikale falë të cilës ka shpëtuar këmbën e dytë që rrezikonte ta humbiste pas shpërthimit hetimet janë intensive dhe të shtrira në disa pista, ndaj hetuesit e cështjes kanë ardhur në Tiranë për të marrë në pyetje familjarët e 25 vjeçarit.
Burimet thonë se familjarët e 25 vjeçarit kanë deklaruar se dyshojne që autori është në Vlorë, por mohojnë që atentati të ketë lidhje me vrasjen e Renato Omerit, edhe pse pranojnë se me ta nuk flasin “E hedhim poshte se ka lidhje shpërthimi me dy ngjarjet e vjetra. Por me familjen e Renato Omerit nuk flasim prej kohësh”, mësohet të jenë shprehur familjarët Hajrulla.
Ata kanë thënë se i biri “lëvizte lirshëm në çdo qytet të Shqipërisë”, fjali që sipas burimeve pranë grupit hetimor familja e ka përdorur për të theksuar se nuk kanë probleme.
Por burime të rezervuara pranë grupit hetimor thonë për ”Fax News” se mes pistave kryesore është ajo e prishjes së pazareve të drogës, nga e cila mund të kenë rrjedhur një seri ngjarjesh 25 vjecari.
Ines Hajrulla është djali i një biznesmeni të njohur në qytetin bregdetar, ndërsa policia lokale e cilëson person me precedentë të theksuar kriminale 25 vjeçari ka një lidhje gjaku me Renato Imerin, 36 vjecarin e njohur edhe si RENI që u vra në muajin Korrik në zonën e Lungomares në Vlorë.
I afërm i tyre rezulton edhe Endri Çaushaj i vrarë para dy vitesh në Durrës. 25-vjeçari aktualisht mbahet nën masë arresti pasi në makinën ku u bë atentat iu gjet një pistoletë pa leje.
(E.K/Faxweb)
Discussion about this post