Infermieri hero në Vlorë, shpëton të riun që luftonte me jetën. Ç’bëri Loreli që i emocionoi të gjithë

Është padyshim heroi i djeshëm i Spitalit të Vlorës. Lorel Canaj, infermier ka bërë gjestin që askush nuk e priste.

Kur të gjithë po kërkonin por nuk po gjenin gjak për një të ri që po luftonte me jetën, Loreli lë punën dhe vetëofrohet pasi merr vesh që duhej gjak me grupin e tij.

19-vjeçari ia doli të jetojë, falë ndihmës së jashtëzakonshme të infermierit Canaj, i cili jo vetëm që dha gjak, por vazhdoi punën në shërbim të të sëmurëve edhe pas veprimit human.

”Ka shpresë”, shkruan Nisma Thurje, pas publikimit të fotos së Lorelit. Dhe vërtet është kaq e rrallë të dëgjosh e të shkruash për njerëz si Loreli në vendin tonë…