Informaliteti/ Flet ish-drejtori i Tatimeve: Aksionet janë parrulla për të trembur hallexhinjtë

Në një intervistë për FaxNews, Flobens Dilaveri ish-nëndrejtor i Tatimeve për të folur se çfarë po ndodh me informalitetin dhe aksionet e anti-informalitet të zhvilluara nga ministria e Ekonomisë dhe Financave.

Dilaveri shprehet se gjithçka po bëhet për propagandë. Sipas ish-drejtorit, puna në administratë po shkon çdo ditë e më keq. Gjitashtu, Dilaveri tha se për aksionet e zhvillluara në korrik-gusht, janë suportuar nga kryeministri dhe zv.kryeministri, por rezultati ishte zhgënjyes.

Më tej, Dilaveri thekson se termi aksion është për të trembur hallexhinjtë.

“Realisht po ndodh ajo në kuadër të parrullave, informaliteti ka zënë pjesën kryesore, pra është parrulla kryesore e momentin. Vijojnë shtohen informalitetet. Ka një kakofoni të madhe brenda administratës tatimore në raport me përgjegjësin që duhet të mbaj secili.

Nuk ekziston asgjë nga ato që thuhen, janë thjesht propagandë e pastër, pasi puna është përditë e më keq.

I pytur nga gazetarja Mirilda Tili, a japin efekt aksionet, pasi është thënë që nuk do të ketë aksione jo vetëm gjatë verës por gjatë gjithë vitit, Dilaveri shprehet se “duhet të kishit pyetur drejtoreshën e Përgjithshme të Tatimeve para disa ditësh sepse ajo ka qënë në krye të aksionit në korrik-gusht, dhe ajo i ka marrë frytet negative të punës në shtator”.

“Në korrik dhe në gusht u pretendua dhe u suportua aksioni si nga kryeministri, zv.kryeministri gjithashtu edhe nga individë të tjerë të administratës, ndërkohë rezultatet ishin zhgënjyese me shifrat që ata kanë  deklaruar. Aksion s’duhet të ketë. Termi aksion është për të trembur hallexhinjtë, pasi kjo është puna e përditshme e arministratës. Ky është koncept i keqinterpretuar, se nuk mund të rrish edhe në aksion dhe zyrë. Ka më pak të ardhura për buxhetin, më shumë borxhe dhe më shumë drejtues të administratës që bëjnë fresk para pasqyrës.

I pyetur edhe për shërblimin e fundvitit për pensionistët, ish-nëndrejtori i Tatimeve shprehet se për këtë duhet të përgjigjet kryeministri dhe ministrja e Financave. Gjithashtu Dilaveri thekson se në 3 muajt tetor-nëntor-dhjetor do bien të ardhurat.

(K.H/Faxweb.al)