Juventusi mund të bëjë një goditje klasi në verë. Andres Iniesta po mendon seriozisht një mundësi largimi nga Barcelona, për herë të parë në karrierën e tij.
Mesfushori ka kërkuar rinovimin e kontratës me katalanasit, e cila përfundon në verën e 2018- ës, me një rritje të vogël të pagës aktuale. Por, presidenti Bartomeu është treguar i prerë në këtë pjesë dhe ka refuzuar të negociojë, jo vetëm për kushtet e rrogës, por edhe t’i ofruar atij një zgjatje të marrëveshjes aktuale.
Në këtë situatë, drejtuesit e “Zonjës” nuk kanë humbur kohë dhe janë vënë në lëvizje. Media italiane bën me dije se bardhezinjtë i ofrojnë Barcelonës një shifër të kënaqshme për kartonin dhe, mbi të gjitha, janë gati të bindin Iniestën me një pagë më të lartë se ajo që përfiton aktualisht dhe i garanton formacionin në sezonin e parë.
Discussion about this post