Me urdhër të kryeministrit Edi Rama, njësia Anti-korrupsion e Kryeministrisë ka nisur një kontroll të imtësishëm në Ministrinë e Arsimit, për ministren teknike Mirela Karabina.
Grupi i kontrollit ka zbarkuar gjatë ditës së sotme në Ministrinë e arsimit, pasi dyshon se ka disa shkelje për emërimet, shkarkimet, por edhe vendimet e tjera që janë marrë nga ministrja Karabina.
Ministrja dyshohet për mbi 30 shkelje ligjore, të cilat i janë përcjellë Ramës gjatë fushatës, pas fushatës dhe në kohën e shkarkimeve që ka bërë Karabina.
Kujtojmë se pas emrërimit të saj në kuadër të marrëveshjes Rama-Basha, ministrja Karabina është përplasur me Sekretarin e Përgjithshëm në Ministrinë e arsimit, Plarent Ndreca. (D.D/Shuplaka)
Discussion about this post