Instagram po fshin postimet që mbështesin gjeneralin e vrarë iranian Qassem Soleimani në mënyrë që të përputhen me sanksionet amerikane të vendosura ndaj vendit të Lindjes së Mesme.
Një zëdhënës nga kompania e Instagram, konfirmoi lajmin për CNN Business të Premten – në të njëjtën ditë kur Presidenti Trump njoftoi sanksione shtesë mbi sektorët e prodhimit, minierave dhe tekstilit në Iran.
Sanksionet e reja vijnë në shenjë hakmarrjeje për sulmin raketor të vendit ndaj forcave amerikane në fillim të kësaj jave.
Sulmi i Iranit ishte një akt hakmarrjeje i cili u urdhërua pasi Trump miratoi një sulm me dron që vrau Soleimani më 3 janar. Presidenti pretendoi se Soleimani ishte duke planifikuar sulme të afërta ndaj ambasadave të shumta të SHBA.
Instagram është një nga pak platformat e mediave sociale të disponueshme për qytetarët iranianë, me Tëitter dhe Facebook të bllokuar nga qeveria.
Vendimi i ndërmarrjes së mediave sociale për të bllokuar postimet pro Soleimani ka zemëruar zyrtarët.
Për ironi, zëdhënësi i qeverisë iraniane, Ali Rabiei, përdori Tëitter për të përshkruar masën si ‘jodemokratike’.
“Në një aksion jodemokratik dhe të pashqyrtuar, Instagram ka bllokuar një zë të kombeve të pafajësisë duke protestuar ndaj vrasjes së gjeneralit Soleimani, ndërsa terroristëve të vërtetë u është dhënë një zë i hapur”, shkruajti ai.
Ylli iranian i futbollit Alireza Jahanbakhsh ndau një foto të Soleimani me 1.4 milion ndjekësit e tij pas vdekjes së Gjeneralit. Postimi ishte një nga mijëra postime pro-Soleimani që janë pastruar nga faqja. Sipas CNN, ‘Instagram pezulloi llogarinë e Soleimani në Prillin e kaluar pasi qeveria amerikane caktoi Trupat e Gardës Revolucionare Islamike (IRGC) një organizatë të huaj terroriste’.
(F.GJ/FAXWEB.AL)
