Ish-kryeministri Sali Berisha në studion e emisionit “Real Story” të Sokol Ballës, ka treguar se cili është institucioni më problematik në Shqipëri, i cili shantazhon jetën politike të vendit.
Ky institucion sipas Berishës, është Prokuroria.
“Mund të jem i vetmi njeri në Shqipëri që kam deklaruar se në Prokurorinë e Shqipërisë janë grupet kriminale më të rrezikshme të këtij vendi.
Pse? Sepse ata janë tregtarët më kriminelë të dosjeve, e kam thënë disa herë. Unë dija veprimtarinë e tyre, se çfarë bënin prokurorët me kriminelët, se si ata shisnin dosjet.
Prokuroria e Shqipërisë ka qenë institucioni me i inkriminuar, ndoshta më i përafërti me atë të diktaturës, jo politike por në biznes.
Sa herë kam denoncuar unë shitjen e dosjeve nga prokurorët. Çdo dosje dilte në media. Pra prokuroria e Shqipërisë ka të drejtën ligjore që të nisë çdo hetim.
Unë këto fjalë i kam thënë në mënyrë të përsëritur disa herë. Këto fjalë janë thënë shumë herë, sepse unë kam pasur informacione se çfarë tregtie të ndyrë bënin ata me dosjet e kriminelëve.” – tha Berisha në studio.
(E.L/Faxweb)
Discussion about this post