Dy kroatët e skuadrës zikaltër mund të largohen këtë verë nga Milano. Këtë e ka konfirmuar ish agjenti I Perisiç, Tonci Martiç.
Në intervistën për portalin “Vecernji”, ish-agjenti është shprehur se Inter planifikon të shesë dyshen kroate.
“Këtë verë mund të ndodhë gjithçka për sa i përket merkatos. Shpesh unë jetoj në Milano dhe gjithçka çfarë dëgjoj është se kanë ardhur shumë oferta për Brozoviç dhe Perisiç, por është shumë shpejt për të arritur ndonjë akord, sepse merkato e verës mbyllet në datën një shtator. Për sa i përket të ardhmes së Perisiç dhe Brozoviç, nuk ka asnjë dyshim se zikaltrit kanë planifikuar shitjen e tyre”, u shpreh agjenti.
Ai zbuloi edhe një prapaskenë për mundësinë e transferimit tek Mancheste Junajtid, për një shifër rreth 60 milionë euro, për Perisiç, por ai mendon se ka një opsion më të mirë.
“Edhe pse ka disa kohë që qarkullojnë zëra rreth një ofertë prej 60 milionë eurosh nga Mançester Junajtid për Perisiç, kam zbuluar që Ivan ka një opsion më të mirë dhe më tërheqës sesa Mançesteri, por gjithç ka po mbahet në fshehtësi. Në këtë rast, ka shumë mundësi që Interi të përfitojë më pak para dhe Perisiç do të ketë një rrogë më të ulët sesa i ka ofruar Mançester Junajtid, por do të ketë më shumë mundësi për të fituar diçka të rëndësishme”, deklaroi ai.
Perisiç dhe Brozoviç kanë qenë ndër lojtarët më të spikatur të Interit këtë sezon, edhe pse vetë skuadra nuk ka arritur rezultatet e pritura.
(B.H/SHUPLAKA)
