Atmosfera e rezultateve pas zgjedhore kanë krijuar një panoramë interesante në burgun 302. Aty, reflektimi mbi jetën dhe drejtësinë merr kuptime të reja.
Të burgosurit kanë votuar dhe befas rezultatet janë befasuese…shaka popull, pritej.
Ju do thoni pse? E thjeshtë! Janë vota të siguruara falë lidhjeve me sistemin e drejtësisë.
Tani po pyesni veten për çfarë po flasim? Për votat e të burgosurve nga 302 shi!
Konkretisht në këtë qendër te vuajtjes së dënimit del se në krye të preferencave ka dalë zonja Ermonela Felaj, kandidatja socialiste.
Me plot 111 vota për PS dhe me Felajn në vend të parë, duket se edhe pas grilave politika është çështje kujtese gjyqësore për të burgosurit.
Socialistja Felaj nuk është një kandidate çfarëdo. Ajo është bashkëshortja e Bledar Valikajt, një emër mjaft i njohur në qarqet e drejtësisë, si prokuror në Prokurorinë e Tiranës dhe me angazhim aktiv edhe në Gjykatën e Tiranës. Pra, një figurë që shumë nga votuesit e 302 shit e kanë njohur nga afër ndoshta më afër se sa do të dëshironin.
Ky është një rast frymëzues i mënyrës sesi drejtësia dhe politika, të ndara teorikisht, mund të ndërthuren në mënyrë kaq harmonike në praktikë. Njësoj si një duet bashkëshortor: njëri dëno apo shfajso tjetra merr votën. Njëri vulos të shkuarën, tjetra kërkon besim për të ardhmen. Një simfoni institucionale e drejtësisë dhe politikës shqiptare.
Në një vend ku shpesh flittet për pabarazi, ja ku kemi një shembull ku të burgosurit janë trajtuar me plot respekt u është lënë zgjedhja e lirë për të votuar dikë që e njohin shumë mirë.
Në fund të fundit, kush më mirë se një prokuror e njeh votuesin e tij potencial?S.H
