Shqiptarët mbahen për një komb me tipare të bukura, por edhe kujdesi për paraqitjen e jashtme është shtuar jashtëzakonisht shumë kohët e fundit.
Në 16 vitet e fundit janë rritur ndjeshëm importet e produkteve kozmetike.
Nëse në vitin 2000 importet ishin më pak se 1 milionë dollarë në 2016 ato shkuan 12.5 milionë dollarë. Pra vlera është gati 12 fishuar në dy dekada.
Imortet më të larta tregojnë për një ofertë më të zgjeruar në treg që ka ardhur si efekt i rritjes së kërkesës nga ana e shqiptarëve për më shumë produkte bukurie, dhe kujdesi ndaj fytyrës.
Në dy dekada rezulton të kemi një 40- fishim të vlerës së importeve për produktet e kësaj kategorie çka tregon mbi të gjitha për evoluimin e mentalitetit shqiptar mbi kujdesin ndaj vetes, duke zgjeruar gamën e produkteve që përdorin por edhe duke preferuar gjithmonë e më shumë marka të huaja.
Por dhe ndërhyrjet estetike apo siç njihen ndryshe kirurgjitë plastike janë rritur ndjeshëm.
Pesë nga klinikat e operacioneve plastike në 2016 qarkulluan mbi 2 milionë dollarë.
Mjekët e këtyre ndërhyrjeve raportojnë se vendin e parë për kirurgji plastike me 50% e mban korrigjimi i hundës, më pas buzët dhe veshët. Krahas rritjes së këtij biznesi, jashtë kontrollit vijojnë të mbeten sallonet e bukurisë, të cilat nuk kanë mjekë të punësuar, por kryejnë ndërhyrje kryesisht në buzë e që në jo pak raste rezultojnë që më shumë të kenë dëmtuar qytetarët se zbukuruar.
Burimi: Monitor.
Punoi: FM/Faxweb
