Internacionalja Socialiste përgënjeshtron FRESSH: Organizatore e kampit të Jalës është LRI

Të rinjtë e Internacionales Socialiste kanë reaguar pas debateve mes të rinjve të FRESSH dhe atyre të LRI-së lidhur me festimet në Jalë për 110-vjetorin e themelimit në Shqipëri.

Përmes një deklarate për mediat, Internacionalja e të rinjve socialist sqaron se festa organizohet nga LRI, por mbështetet gjithashtu nga FRESSH dhe Partia Socialiste Europiane.

 “Eventi mbahet nga LRI-ja dhe mbështetet nga FRESSH dhe PS. Në festival do të jenë të pranishëm, Presidenti i zgjedhur, Meta dhe kryeministri Rama. Në mediat shqiptare ka patur disa keqkuptime për deklaratën tonë që i atribuohej FRESSH-it. Megjithatë, këto keqkuptime nuk e zbehin aspak klimën dhe organizimin e eventit”, thuhet në deklaratë.

Sakaq, Internacionalja e të rinjve Socialistë sqaron se FRESH e ka cituar gabimisht në deklaratën e tyre kundër LRI-së.

DEKLARATA

FESTIVALI I DYTË BOTËROR 2017 – JALË, SHQIPËRI, 15-20 KORRIK 2017

Bashkimi Ndërkombëtar i Rinisë Socialiste, organizata më e madhe politike e të rinjve në botë, do të festojë 110 vjetorin e themelimit të saj në Jalë të Shqipërisë, në datat 5 dhe 20 korrik, në bashkëpunim me “IUSY WORLD FESTIVAL 2017″ me temë “Ne nuk shohim kufij”.

Eventi mbahet nga LRI dhe mbeshtetet nga Fressh dhe Partia Europiane Socialiste.
Ky Festival do te presë me shume se 1000 pjesmarres nga e gjithe bota, perfaqesues te 60 shteteve dhe 90 organizata.

Ky do te jete nje event qe synon te diskutoje, debatoje dhe te nxjerre konkluzione per menyra se si te rinjte progresiste te organizatave anetare te IUSY te mund te sjellin ndryshimin ne te gjithe boten.

Me vullnetin qe te rinjte te perfshihen ne lidershipin e politikberjes, Festivali do te kete pjesmarres edhe lider boterore dhe gjithashtu Presidentin e zgjedhur te Shqiperise dhe Kryeministrin.

Lidere te IUSY dhe pjesmarres te festivalit do te mblidhen si te barabarte per te perkrahur progresivizmin per te kapercyer problemet globale.

Deklarata per shtyp qe ka dale sot ne mendiat shqiptare duke na cituar gabimisht kundrejt FRESSH-it nuk eshte e jona dhe nuk perfaqeson konstruktivitetin dhe mjedisin pozitiv mbi te cilin ky event po organizohet. (D.D/Shuplaka)