Sot ka shumë mënyra përmes të cilave mund të fitoni para të majme nga interneti, sidomos nga YouTube. Madje nuk janë të pakët njerëzit që kanë arritur të fitojnë miliona euro/dollarë në vit përmes kanaleve të kësaj platforme.
Revista “Forbes” ka publikuar një listë të personave të cilët kanë fituar më shumë para me YouTube.
1- Në vend të parë renditet PewDiePie me 12 milionë dollarë, 39.8 milionë abonentë dhe 10 miliardë shikime.
‘Artisti’ 25 vjeçar i YouTube, emri i vërtetë i të cilit është Felix Arvid Ulf Kjellberg, është përdoruesi më i paguar i YouTube. Sipas “Forbes”, aktori suedez renditet i pari në këtë listë me një pagë vjetore prej 12 milionë dollarësh. Fitimet e tij janë më të mëdha sesa ato të aktoreve Cameron Diaz apo Gwyneth Paltrow gjatë vitit 2015. Videoja më e popullarizuar e PeëDiePie është “A Funny Montage”, e cila ka arritur në gati 70 milionë shikime.
2- Pas PewDiePie vjen Smosh me 8,5 milionë dollarë, 21.3 milionë abonentë dhe 4.8 miliardë shikime.
Ian Hecox dhe Anthony Padilla janë një ndër pesë njerëzit që paguhen më shumë nga YouTube për t’i bërë njerëzit të qeshin. Ata publikojnë video qesharake të video-lojërave, filmave dhe serialeve të njohura.
3- Në vend të tretë vijnë “The Fine Bros” ose “Vëllezërit e mirë” me 8,5 milionë dollarë, 13.3 milionë abonentë, 3.4 miliardë shikime
Benny dhe Rafi Fine i janë bashkuar YouTube-s në vitin 2007 me një seri videosh komike. Videoja e tyre më e famshme është ajo ku njerëzit janë përpjekur të shikojnë video të caktuara pa qeshur. Vetëm kjo video ka marrë 41 milionë shikime.
