Kreu i Grupit të PD-së Gazment Bardhi në mbledhjen e Konferencës së Kryetarëve është përplasur me kryetaren e Kuvendit, Lindita Nikolla, për mos përfshirjen në draf-kalendar të kërkesës së opozitës për interpelancë urgjente me kryeministrin Edi Rama për investigimin e RAI3.
Bardhi shprehet se sa herë Kuvendi ka kërkesa të tilla kryeministri shmanget duke u mjaftuar me një postimin në Tëitter ose duke u fshehur pas Elisa Spiropalit.
“Nuk e kuptoj pse ne draft-kalendare nuk eshte përfshire kerkesa e grupit te PD, per interpelance urgjente. ShPresoj te jete gabim teknik pasi ndryshe do te ishte nje shkelje e rende kushtetuese. Sa here ka kerkesa te tilla kuvendi, shmanget dhe mjaftohet duke lexuar statuset e Kryeministrit ne Tëitter. Kerkoj te shtohet ne Kalendar”, ka thënë Bardhi.
Nga ana tjetër Nikolla i përgjigjet duke thënë se objeki nuk ka lidhje me procedurën, ndaj nuk është futur në kalendar.
“ Shqetesimi qe keni paraqitur ju ne interpelance, pra objekti nuk ka lidhje me proceduren qe do duhet te thirret nje interpelance. Prandaj dhe nuk perfshihet”, është shprehur Nikolla.
Ndërsa Bardhi është shprehur se në bazë të kushtetutës ai kërkon interpelancën me kryeministrin.
“ Une e kuptoj se ju recitoni dicka qe ju kan shkruar. Ne baze te kushtetutes une kekrojnqë kryeminsitri te vij dhe te jap sqarime per nje nderhyrje skandaloze qe ka bere si kryeminsiter ndaj nje media mderkombetare”, është shprehur kreu I grupit parlamentar të PD-së.
Gjithashtu Bardhi i ka theksuar Nikollës së sa herë që opozita kërkon interpelancë me Ramën ato I dalin në mbrojtje duke shkelur kushtetutën.
Pas debatit me Nikollën Bardhi ka braktisur mbledhjen së bashku me deputetin Agron Gjekmarkaj, pasi kërkesa e tij nuk është miratuar.
