Manjani nuk është më ministër pas urdhërit të tij për shkarkim nga kryeministri Rama. Manjani që u vendos në krye të Drejtësisë me idenë e çuarjes përpara të Reformës së shumëpritur u bë dhe vetë ‘’kurban’’ i saj.
Përherë Manjani që prej ditës së parë në krye të kësaj Ministrie ka shprehur qëndrimet e tij shpeshehrë edhe në opozitë me kryeministrin Rama. Mendime që lidheshin me kultivimion e kanabisit, paligjshmërinë apo dhe arrestimin e të shumëkërkuarit Klement Balili.
Manjani në intervistën e tij të fundit të bërë në një media atë në Top Story gati dy javë më parë sulmoi ashpër edhe fondacionin e Sorosit në Shqipëri. Ai u shpreh se ekspertët e reformës në drejtësiishin të Sorosit.
Po ashtu, Manjani risolli edhe një herë në vëmendje problematikat që hasi procesi i reformës në drejtësi deri në miratimin e saj në Kuvendin e Shqipërisë. Manjani tha se ku mori detyrën e ministrit, komisioni parlamentar i ngritur për reformën në drejtësi, nuk i jepte as draftet. “Na u shitën ekspertët sikur ishin qendra e botës”, shprehet ai.
Opozita duket sikur nuk është shumë entuziaste me ardhjen e Trump që thuhet se do të luftojë këtë “perandorinë sorosiane”, që thuhet se mbështet qeverinë Ramën e të tjerë…
Ylli Manjani: Në fakt, këto janë teori konspiracioni, por po të shohësh, ekspertët ishin ose të Fondacionit Soros, ose të lidhur me Fondacionin Soros.
Pra po thoni që Soros ka ndërhyrë në reformën në drejtësi?
Ylli Manjani: Jo, por dua të them që një pjesë e ekspertëve kanë qenë të fondacionit Soros dhe disa ekspertë janë paguar nga Soros. Këto lloj faktesh kanë ushqyer këtë teori konsipracioni.
Ju e besoni?
Ylli Manjani: Tentoj ta besoj.
Ylli Manjani: Gjithë procesi i reformës në drejtësi procesi ishte shumë i vështirë, jo korrekt në kuptimin politik dhe profesional. Kur kam filluar si ministër as draftet nuk na jepnin. Ishte një proces me shumë pakuptueshmëri, na u shitën ekspertët sikur ishin qendra e botës.
Si ka mundësi që komisioni të mos japë draftet aleatit?
Ylli Manjani: E kanë bërë këtë, e kanë bërë dhe e kanë menderosur, por është mbyllur aty. Ka patur dy qëndrime brenda nesh, ata që ta bënim reformën me disa deputetë të PD, ndërsa ne nuk pranuam, kërkuam që reforma të kalonte me opozitën si institucion dhe kjo është arsyeja pse u pozicionuam drejt një vendimmarrje konsensuale. Gabimi që kemi bërë me Kushtetutën e vitit 1998, ishte që e bëmë shumë të mirë, por pa konsensusin e opozitës dhe e masakruam atë ndër vite. Tani askush nuk ka gojë që të thotë jo unë s’jam dakord. (E.K/SHUPLAKA)
Discussion about this post