Një grua nga Durhami i Anglisë është dënuar me tre vite burg për shkak të ‘’vjedhjeje’’ që i ka bërë shtetit përgjatë 11 viteve të fundit.
Gruaja 53- vjeçare kishte deklaruar pranë Departamentit të Punës dhe Pensioneve se ishte e paralizuar në anën e majtë të saj dhe nuk mund të lëvizte dot krahët. Por teknologjia sot të fut edhe në burg.
Ndërkohë që gruaja kërcente nën tingujt e këngës së Michael Jackson ‘’Bad’’, dikush aty afër e filmoi dhe ia dërgoi policisë.
Pas hetimeve, gruaja u burgos për vjedhjen e 539 mijë dollarëve të cilat i kishte marrë asistencë, si e paaftë për punë. Zonja jo vetëm që është shumë e aftë për punë, po edhe për të kërcyer nuk qenka keq. Gjithsesi shpresojmë që mos ti’ shkojë më ‘’Bad’’ nga çfarë i ka vajtur deri tani. (A.D/Shuplaka)
