Mbetjet e rrezikshme të trashëguara që nga vitet 90 në magazinën bujqësore në qytetin e Lushnjës, për shkak të mungesës së informacionit nga institucionet se ku mund të kenë shkuar dhe nga investigimi në terren i Fax News, ngrihen dyshime se tashmë këto mbetje janë përhapur në nëntokën ku gjenden magazinat, dhe mund të shpërndahen nga shirat apo ujërat nëntokësorë në një sipërfaqe edhe më të madhe, në lagjen ‘18 nëntori’ të qytetit të Lushnjës.
Sipas raportit të Agjencisë Kombëtare të vitit 2014, një prej 14 hot spoteve më të rrezikshme ndodhej në Lushnjë, sipas këtij raporti magazina bujqësore e pesticideve të akumuluara, nga burime pranë bashkisë së Lushnjës kanë thënë se nuk kanë informacion, dhe se nuk dihet se si është proceduar për asgjësimin apo izolimin e tyre.
Sa u përket banorëve ata nuk dinë gjë se mbetjet ishin të rrezikshme dhe në sipërfaqen prej 2 mijë metrash katrorë ku ndodhet magazine kanë ndërtuar aty banesa, ndërsa prej 2-3 vitesh aty ndodhte dhe ujësjellësi.
Njëra nga banoret e zonës u shpreh për ‘Fax News’ se atje kanë qenë tre magazine dhe se ka patur pesticide, ku deri në 97’ kanë qenë prezentë por më pas janë zhdukur.
Fax News iu drejtua para 1 muaj e gjysmë Bashkisë së Lushnjës në lidhje me këtë problem por Bashkia në përgjigjen e saj pranoi se kishin të dhëna për stokimin e mbetjeve të pesticideve në këto magzina, por nga verifikimi në terren nuk kanë gjetur diçka të tillë, duke shtuar se nuk kishin informacion për historikun e mbetjeve.
Edhe Agjencisë Kombëtare të Mjedisit, në përgjigjen e saj tha se duhej ti drejtoheshim një institucioni tjetër: Inspektoriatit Shtetëror të Mjedisit dhe pyjeve.
Fax News i kërkoi informacion këtij institucioni por në përgjigjen e marrë thuhej se nuk kishin informacion për këtë hotspot.
Fakti ishte konstatuar nga Projekti i Programit për Zhvillim të Kombeve të Bashkuara UNDP për identifikimin e zonave më të ndotura më të Shqipërisë, ku si zonë e rrezikshme cilësohej edhe magazina e mbetjeve në lagjen ‘18 nëntori’në Lushnjë dhe kjo pasqyrohej na raportin e Agjencisë Kombëtare të Mjedisit dhe në vlerësimin strategjik mjedisor të planit të përgjithshëm vendor të Bashkisë Lushnjë. Edhe banorët e lagjes tregojnë për ekzidtencën e këtyre mbetjeve por pavarësisht këtyre fakteve, këto mbetje nuk dihet se ku gjenden, duke e agravuar edhe më shumë situatën, pasi tashmë izolimi i tyre është i pamundur.
E plotë:
