Zhduken gjatë natës targat false të automjetit luksoz në përdorim nga prokurori i Sarandës Sali Hasa, i cili e braktisi këtë automjet një ditë më parë pas shpërthimit të skandalit se ai lëvizte me targa false të një automjeti të vitprodhimit 1984.
Ditën e djeshme Fax News denoncoi se se prokurori Sali Hasa “bredh” me një automjet Audi Q5 ne vlerën e 45 mije euro dhe targa te falsifikuara, ndërsa që nga dita e djeshme pas daljes në dritë të një fakti skandaloz automjeti është braktisur.
Prokurori Sali Hasa është larguar dje nga puna rreth orës 15, por këtë here, ndryshe nga mëngjesi kur në punë erdhi me automjetin luksoz dhe targa të falsifikuara, në mesditë u largua në këmbë.
Persona vullnetarë janë shprehur të gatshëm për të bërë “shërbim” pranë vendit ku mjeti është parkuar, pasi ata dyshojnë se mjeti mund të grabitet gjatë orëve të natës.
Çunave të cilët ruajnë automjetin nga “grabitja”, nuk u ka shkuar aspak ndërmend se hajdutët mund të merrnin vetëm targat e të largoheshin pa prekur asgjë me dorë nga aksesorët supër të shtrenjtë të Audit luksoz.
Nga një investigim i kryer nga Fax News targat e automjetit Audi Q5 me të cilin lëviz prokurori Sali Hasa, janë të një automjeti Volkswagen prodhim i vitit 1984.
