Epidemia e gripit ka qenë tema kryesore e këtyre ditëve, sidomos pas vendimit të qeverisë për të mbyllur shkollat deri më datë 9.
Emisioni investigativ Boom”, ka zbuluar se pavarësisht gjendjes së rëndë në vend, në qendrat shëndetësore mungojnë vaksinat edhe pse Beqaj urdhëroi shpërndarjen e tyre një ditë më parë.
Shqipëria renditet sot në tre vendet me numrin më të lartë të të prekurve nga gripi dhe këtë e konfirmon edhe Instituti i Shëndetit Publik. Madje, numri i të prekurve në vend ka shkuar deri në 16 mijë vetëm brenda një jave.
Ministria e Shëndetësisë deklaroi dje se në bashkëpunim me ISHP-në ka siguruar 93 250 doza vaksinë kundër gripit dhe se po kryehet shpërndarja e tyre, por sipas “Boom”, nuk ka ndodhur kështu.
Gazetarët kanë vëzhguar 6 qendra shëndetësore në Tiranë dhe nga këto, në 5 prej tyre rezulton se nuk ka vaksina antigrip.
Ndërsa në qendrën nr.10 vaksinat janë të destinuara vetëm për grupin e fëmijëve mbi 9 vjeç dhe për të moshuarit.
InstISSH e kishte paralajmëruar gjendjen gripale që në muajin nëntor të 2016-ës dhe bëri thirrje për vaksinim të popullatës, por qytetarët nuk i dëgjuan këto këshilla dhe tani situate ka kaluar në epidemi.
Sipas ekspertëve vaksinat nuk kanë asnjë efekt tek të prekurit ndërsa tek personat e paprekur nga gripi duhen dy javë kohë që organizmi të krijojë antikorpe. (D.D/Shuplaka)
