Disa kopshte në Tiranë, vazhdojnë të zhvillojnë aktivitetin e tyre pa liçensë. Kjo ngjarje u denoncua këtë mbrëmje nga emisioni investigativ “BOOM” në televizionin Ora News.
Sipas këtij denoncimi, tre kopshte në kryeqytet, përkatësisht në Unazën e Re dhe në Yzberisht funksionojnë normalisht, pavarësisht faktit se nuk kanë ende një licensë.
Dy prej kopshteve, e ushtronin veprimtarinë e tyre në katet e para të pallateve, ndërsa tjetri në pjesën e lënë për biznes vetëm me qepena dhe pa dritare.
Pronarët e kontaktuar nga gazetarët, shprehen se i kanë futur dokumentet për të bërë licensimin.
Sipas një vendimi të Këshillit të Ministrave, Ministria e Arsimit do të duhet të urdhëronte ngritjen e një task-force, për një periudhë 3 mujore, por kjo nuk ka ndodhur. Sipas denoncimit, ministria ka dështuar mbledhjen e aktorëve të nevojshëm, për të kontrolluar këto veprimtari. (D.D/Shuplaka)
Discussion about this post