Zv\kryeministri Niko Peleshi ka zhvilluar një takim me banorët e Voskopojës teksa ka ndjekur nga afër ecurinë e investimit prej 4 milionë euro. Gjatë fjalës së tij, ai theksoi se ndërhyrja në Voskopojë do të jetë e plotë me synimin për ta kthyer këtë destinacion në një model të zhvillimit të zonave rurale dhe atyre turistike në veçanti.
Ndër të tjera, Peleshi u shpreh se plani i miratuar vendor i Bashkisë Korçë ka një impakt edhe në zonat rurale pasi i jep mundësi biznesit të investojë duke krijuar mundësi të reja zhvillimi dhe më shumë të ardhura për banorët.
Zëvendëskryeministri theksoi se investimi në këtë zonë parashikon rikonstruksionin e qendrës, rrjetit të rrugëve dhe restaurimin e 4 Kishave Monument Kulture të këtij fshati.
“Investim në Voskopojë jo vetëm për t’i shërbyer Voskopojës por Shqipërisë. Me këtë ndërhyrje të pazakontë që po bëjmë në Voskopojë, duam të ndërtojmë një model që ia vlen ta kopjojnë apo ta përsërisin fshatra dhe qytete të tjera.
Nuk do largohemi pa i mbaruar të gjitha. Edhe sot që flasim është fshati më turistik në Shqipëri. Kemi miratuar planin rregullues të gjithë Bashkisë së Korçës ku futet dhe Voskopoja. Sa më i kontrolluar të jetë zhvillimi aq më i madh do të jetë turizmi.:, është shprehur ndër tjera Peleshi.
(XH.A/SHUPLAKA)
