Irani ka reaguar menjëherë pasi presidenti i SHBA-ve Donald Trump, ka cilësuar Trupat e Gardës Revolucionare të Iranit (IRGC) si një organizatë terroriste e huaj.
Pas këtij deklarimi nga ana e Trump, Irani ka deklaruar se Komandoja Qendrore e SHBA është një organizatë terroriste. Deklarata e Iranit për etiketimin e forcave amerikane si organizatë terroriste, do të shtyjë SHBA-të që të ndërmarrin sanksione të tjera ndaj këtij shteti.
SHBA-të kanë akuzuar vazhdimisht Iranin se subjekte të ndryshme shtetërore mbështesin dhe financojnë terrorizmin, duke abuzuar kështu me të drejtat e njeriut.
Tensionet e Uashingtonit dhe Teheranit janë shtuar që kur Trump tërhoqi SHBA nga pakti ndërkombëtar bërthamor i Iranit.
