Irani i dërgon pesë avionë me ushqime Katarit të bllokuar nga fqinjët

Irani ka dërguar pesë aeroplanë me ushqime në Katar që po vuan nga mungesat ushqimore për shkak të një bllokade rajonale.

Arabia Saudite por edhe vende të tjera të Gjirit Persik kanë ndërprerë lidhjet me Katarin javën e kaluar, duke e akuzuar për financim dhe mbështetje të terrorizmit.

Doha zyrtare i ka hedhur poshtë këto akuza.

Kufiri tokësor me Arabinë Saudite, nëpërmjet të cilit Katari furnizohet me 40% të ushqimeve, është mbyllur po ashtu.

“Deri më tani, pesë aeroplanë me artikuj ushqimorë janë dërguar në Katar”, tha për agjencinë Fars News Shahrokh Noushabadi, zëdhënës i kompanisë Iran Air, shkruan Reuters. 

Noushabadi tha se dërgesat do të vazhdojnë “për aq kohë sa ka kërkesa”. (M.D/Shuplaka)