Iris Luarasi ka pasur një rrëfim dje në lidhje me familjen e saj. Nuk na ndodh shpesh që ta kishim dëgjuar që të fliste në këtë mënyrë, po ja që edhe ndodh.
Ajo ka treguar se me bashkëshortin e saj është njohur në radio, ndërsa ka qenë vetë e para që ia ka shprehur dashurinë.
“Ne kemi qënë miq së bashku, bënim emisionin në radio. Kam qenë unë që e kam hedhur hapin e para. Ai mendonte se nëse do të hidhte një hap, do të humbiste edhe miqësinë që ne kishim.
Ne kemi 14 vite të martuar, kam edhe 10 vite para martese që kemi qenë në një lidhje, dhe para kësaj kemi edhe 5 vite miqësi, kështu që mua më duket se kam një jetë të tërë me të”, u shpreh Luarasi.
Po ashtu Irisi është nënë e dy fëmijëve të rritur tashmë, Noa, djali i madh i gazetares, në janar mbush 14 vjeç, ndërsa Ashli është 10 vjeç.
Në fillim, kur Irisi ishte shtatzënë me Noan, shumë pak muaj pas martesës, 14 vjet më parë, pati një lloj trembjeje: “Çfarë tmerri thashë, ne sapo jemi martuar, nuk patëm kohë të mendonim dhe të jetonim si çift pa angazhime, por kjo ndjesi zgjati vetëm javën e parë, sepse nuk ishte asnjë problem edhe pas lindjes në Noas: “Nuk ishte asnjë lloj problemi, gjëra që do bënim të dy, i bënim të tre.
Unë Noan e kam pasur në gji 11 muaj. Mesatarisht, 2-3 herë në muaj ne udhëtonim të tre dhe ishte një fëmijë i qetë, i butë. Unë thoja ky nuk ka zgjidhje tjetër, sepse e vetmja shtrigë në familje jam unë…”, – tregon Irisi me të qeshur. Dhe pak vite më vonë, erdhi në jetë edhe Ashli. Ashtu si edhe me Noan, edhe me Ashlin Irisi bëri të njëjtën gjë. .
Discussion about this post