Sulmuesi Evan Ferguson nuk do të jetë pjesë e Republikës së Irlandës për ndeshjet kualifikuese të “Euro 2024” kundër Francës dhe Holandës.
Ferguson është larguar për shkak të lëndimit që e pësoi në fitoren e Brightonit 3:1 kundër Newcastle Unitedit vikendin e shkuar. 18-vjeçari shënoi “hat-trick” në këtë ndeshje dhe pritej të ishte sulmuesi kryesor i Irlandës në dy ndeshjet e këtij muaji.
Irlanda do të përballet me Francën në Paris të enjten, ndërsa të dielën e pret Përfaqësuesen e Holandës në Dublin. Ferguson ka 6 paraqitje me Irlandën, ndërsa në Premier League ka realizuar 10 gola në 24 ndeshje të luajtura me fanellën e Brightonit. Irlanda është e treta në Grupin B kualifikues me tri pikë të mbledhura pas tri ndeshjeve të luajtura. Franca i prinë grupit me pikë maksimale pas 4 ndeshjeve, ndërsa Holanda ka dy ndeshje më pak dhe ka tubuar 3 pikë.
Discussion about this post