Uragani “Irma” ka goditur kolomitë franceze në Karaibe duke shkauar dëme të mëdha, ndërkohë që edhe pse nuk dihet numri i viktimave autoritetet thonë se nuk do të jetë I paktë.
Lajmin e ka dhënë vetë presidenti francez Macron i cili e konsideroi uraganin si shkatërrues dhe mizor.
“Impakti i uraganit në ishujt Saint Martin dhe Saint Bart ka qenë shkatërrues dhe mizor”, ka deklaruar Macron.
Uragani i kategorisë së pestë, niveli më i lartë i mundshëm, ka vërshuar me shpejtësi që arrijnë deri në 295 kilometra në orë.
Uragani më i fuqishëm në një dekadë goditi të parën Antiguan dhe Barbudën, përpara se të lëvizte drejt kolonive franceze, të njohura si lokalitete popullore turistike.
Për momentin nuk ka të dhëna të sakta për numrin e viktimave, por autoritetet në territorin tjetër francez të Guadelupes deklaruan se bilanci nuk do të jetë i ulët.
Qeveria franceze më herët tha se ishte e shqetësuar për mijëra njerëz që kishin refuzuar të kërkonin strehim në ishuj. Në një deklaratë, ministri i brendshëm tha se Franca po dërgonte tre ekipe emergjente në ishuj, dy nga Franca dhe një nga Guadeloupe.
Në SHBA, në zonën Key Ëest të Floridës është urdhëruar evakuimi i detyrueshëm. (B.H/Shuplaka)
Discussion about this post