Deputeti i LIBRA-s, Ben Blushi gjen kohë për të ironizuar koalicionin qeverisës lidhur me koncertin e djeshëm të violinistit Shkëlzen Doli.
Sipas tij, partitë e vjetra që qeverisin merren vesh për gjithçka që dëmton shqiptarët, por jo për qeleshen e Dolit.
Postimi i plotë i Ben Blushit:
“TRESHE NËN NJË QELESHE
Partitë e vjetra që qeverisin nuk merren vesh për qeleshen e Shkëlzen Dolit. Për lejimin e importit të mbetjeve janë dakort, për ligjin e Arsimit të Lartë që la mijëra nxënës pa shkollë janë në një mendje, për sabotimin e Reformës Zgjedhore u morrën vesh, për koncesionet që e rritën 46 për qind koston e shëndetit votuan bashkë, ligjin e ndalimit të kazinove e shtynë bashkë, banditët nëpër bashki dhe kuvend i kanë në tavolinë dhe simfoninë e papunësisë e luajnë me një violinë. Do mbahen mend si një treshe që e ndau nje qeleshe!”
Reagimi i Blushit vjen pas deklaratës së sotme të kreut të Grupit Parlamentar të Lëvizjes Socialiste për Integrim, Petrit Vasili, i cili kritikoi koncertin e Shkëlzen Dolit në Tiranë dhe gjestin e këtij të fundit gjatë performancës.
“Koncerti i Vjenës duhet të flasë shqip. Orkestra e Radiotelevizionit Publik Shqiptar mund ta zhvillojë këtë eveniment, pasi është një formacion dinjitoz. ‘Danubin blu’ shqiptarët e kanë dëgjuar falë kësaj orkestre. Shkëlzen Doli dhe orkestra e RTSH-së mund ta sjellin Vjenën në Tiranë. Qeleshet rrinë më mirë në kokën e shqiptarëve si edhe shqiptarët e pinë më mirë rakinë me fund”, u shpreh ndër të tjera Vasili. (A.R/SHUPLAKA)
Discussion about this post