Debatit për Koncertin e Filarmonisë së Vjenës në Tiranë i është bashkuar edhe deputeti i Partisë Socialiste, Erion Braçe.
Përmes një postimi në rrjetet sociale, deputeti socialist ka preferuar të ironizojë kritikët e violinistit shqiptar me famë botërore Shkëlzen Doli.
Sipas tij, kritikët po merren me “Zenin me violinë” dhe jo me “Zenin me predha e fishekzjarre”, duke nënkuptuar djalin e ish-Kryeministrit Sali Berisha, Shkëlzen Berishën dhe tragjedinë e Gërdecit.
Postimi i plotë i Braçes:
“Protestë masive kundër Zenit! Më në fund! Në Facebook, por ç’rëndësi ka, mjafton dhe këtu. Kush nuk pati besim që ky vit do jetë ndryshe, ja ku e ka faktin, të parin fare këtë vit.
Si, si, nuk është ndaj Zenit që mendoj unë?! Po për cilin Zen protestojnë? Për Zenin me violinë?! Nuk protestojnë kundër atij me predha e fishekzjarrë?! Nuk flasin hiç kundër tij?!
Po me violinën çfarë kanë?! I bie më mirë violinës orkestra e RTSH?! Epo nuk është kritike kjo, mos e bëni kaq të madhe.
Të drejtë kanë, në këtë vend kushdo i bie më mirë kitarës se Carlos Santana, këndon rock më mirë se Bono, bën tenorin në muzikën clasike më mirë se Andrea Bocelli, luan futboll më mirë se Leo Messi, bën trajnerin më mirë se Hose Mourinjo;
Madje, madje, mban qylafin në koke dhe e pi rakinë me fund më mirë se Armando Duka!! Ky i fundit është shqiptari i vetëm me karrierë ndërkombëtare që ja vlen!” (A.R/SHUPLAKA)
Discussion about this post