Mëngjesin e sotëm efektives së forcave Shqiponja, Blerta Dervishi iu komunikua vendimi i pushimit nga puna, për shkak se protestoi në mbrojtje të banesës së saj në zonën e Petro Ninit.
Për ironi të fatit Blerta ka qenë mikeshë me efektiven Ina Nuka, për të cilën shteti u investua ndjeshëm, për të bërë kurimin e saj, pasi u plagos në një nga protestat e banorëve të Astirit.
Për Blertën askush nuk dha zgjidhje, pavarësisht se nën çatinë e banesës së saj jetonin dy fëmijë që po rriten pa babanë, një invalid, dhe një grua shtatzënë.
Pra në total 9 persona që do të mbeten me sytë nga qielli. Foton e dy efektiveve e ka publikuar gazetari Isa Myzyraj, i cili shkruan: Dy “Shqiponjat”, dy realitete, dy bote, dy shqiperite, dy histori te dhimbshme. Per te paren shteti u ngrit ne kembe, madje shkoi deri tek Erdogani, per te dyten, ehh e dyta, paska pasur fat te keq e gjora. Pa shtepi e pa pune.
