Ylli Dylgjeri ka bërë një ironi therrëse për Kryeprokuroren e Përkohshme të sapozgjedhur Arta Markun. Teksa ka postuar një foto me gjela deti Dylgjeri është shprehur se tani mund të therrë kë gjel të dojë, që nënkupton mund të hetojë kë të dojë dhe ta bëj “kurban” pas marrjes së postit.
“Kartolina e Vitit të Ri! Zonja Arta, urime në detyrë! Tani, therr kë të duash e sa të duash. Mos harro gjelin për Lu-në dhe Vllahutinin.”, shkruan Dylgjeri.
Arta Marku e ka marrë sot detyrën nga paraardhësi i saj, Adriatik Llalla. Ka qenë një ceremoni e thjeshtë e bërë në ambientet e Prokurorisë së Përgjithshme, ku Llalla i ka dorëzuar detyrën Markut. Në dalje të organit të akuzës Llalla u shfaq i qetë dhe i buzëqeshur teksa u tha gazetarëve se do të shiheshin së shpejti.
Nuk dihet rruga që do të ndjekë ish-kryeprokurori pas largimit nga detyra, po mesa duket zëvendësimi dhe për atë vetë ka qenë i pritshëm. (J.V/Faxweb)
Discussion about this post