Një ditë pas grabitjes spektakolare në afërsi të Rinasit, ku disa persona ende të paidentifikuar u bënë “pronarë” të rreth 2.7 milion eurove, ish-këshilltari i Fatos Nanos bën një koment tepër therës.
Në një shkrim të publikuar në Facebook, Dylgjeri shkruan se dje mungoi qytetari dixhital dhe kjo I ka bërë përshtypje edhe Tahirit.
“Siç u pa, në vendngjarje nuk mungonin kalimtarët e rastësishëm, por mungoi Informacioni për policinë. Mungoi qytetari digital! Kjo mungesë i bëri përshtypje edhe Ministrit Tahiri. Siç u pa më pas nga pamjet, në vendngjarje kishte vetëm katundar digital.”, shkruan Dylgjeri.
Më pas ai shton se besimi tek Ministri i Punëve të Brendshme dhe tek Policia e shtetit, qytetarët kanë humbur besimin. Këtë Dylgjeri e shpjegon përmes një dialogu të shkurtër: “Në këto ditë po pija kafe ulur te hotel Grand në bllok, me një nga militantët e hershëm të PS-së, Tesera nr. 2 e saj. Pasi karvanet e veturave nuk kishin të sosur i drejtohem Teserës nr.2 :
A mund ti qetësojmë pak këto djem se e kaluan masën- i them, njerzit tani duan të qetësohen!
Po marr ne telefon Saimir Tahirin, ai i drejton këto- më thotë. Ashtu bëri. I ra telefonit dhe ja pozoi shqetësimin.
Morri përgjigjen: s’më dëgjojnë më…”
POSTIMI I PLOTË I DYLGJERIT
Dje mungoi edhe qytetari digital!
U grabit një furgon që transportonte paratë e bankës drejt Rinasit dhe infomacioni për rendin ishte minimal.
Siç u pa, në vendngjarje nuk mungonin kalimtarët e rastësishëm, por mungoi Informacioni për policinë. Mungoi qytetari digital! Kjo mungesë i bëri përshtypje edhe Ministrit Tahiri. Siç u pa më pas nga pamjet, në vendngjarje kishte vetëm katundar digital.
Po pse mungoj dje informacioni nga qytetari digital ? Edhe një filmim erdhi nga aparati i një udhëtari të rastit në rrugë që thërriste në dialekt: i morrën thasët!
Po kamerat te policisë të instaluara në rrugën më të qarkulluar të vendit pse mungonin? Ç’mësime u nxuarën nga grabitja e mëparshme në këtë qafë të rrezikshme për udhëtim me para? Ka rënë vigjilenca e publikut? Ka rënë deshira për bashkëpunim me organet e rendit? S’ka më besim te policia? Apo njerzit po bëhen çdo ditë edhe më indiferent ndaj krimit e kriminelëve? Kjo u pa dhe dje ku një polic i lebetitur me antiplumb thërriste për ndihmë policin e rendit ndofta dhe pa plumba në shërbim.
Të gjitha arsyet qëndrojnë, por ajo që më bën të besoj më shumë është se po bie besimi te policia e shtetit, se besojnë më… Ngjarjet me vjedhje bankash po ndjekin njëra tjetrën dhe po bëhen gjithnjë më spektakolare. Ato, mbajnë rekordin në këto 4 vjet. Paçka se një sondazh i fundit tregonte se besimi i publikut te policia ishte mbi 60%!!!
Në vënd të mbylljes…
Duke hedhur këto rradhë mu kujtua ditët e festimit të fitores së të majtës 3 vite më parë. Rrugët gumëzhinin nga veturat me flamuj të militantëve. U festua gjatë. U festua biles deri në bajatosje.
Në këto ditë po pija kafe ulur te hotel Grand në bllok, me një nga militantët e hershëm të PS-së, Tesera nr. 2 e saj. Pasi karvanet e veturave nuk kishin të sosur i drejtohem Teserës nr.2 :
A mund ti qetësojmë pak këto djem se e kaluan masën- i them, njerzit tani duan të qetësohen!
Po marr ne telefon Saimir Tahirin, ai i drejton këto- më thotë. Ashtu bëri. I ra telefonit dhe ja pozoi shqetësimin.
Morri përgjigjen: s’më dëgjojnë më… (D.D/Shuplaka)
