Situatën në qytetin e Durrësit, aty ku nën themelet e Torrës Veneciane u zbuluan gërmadhat mijëra vjeçare të kohës së Perandorisë Osmane dhe një top venecian, gazetari dhe publicisti Agim Xhafka e paraqet shumë të hidhur.
Nëpërmjet një postimi tejet ironik, por nga ajo ironia therëse ama, ish-gazetari i “Koha Jonë” në vitet ’90 shprehet se ata që supozohej të mbronin trashëgiminë kulturore në vend “kanë vdekur”.
Xhafka përmend këtu kreun e ALUIZNI-t Artan Lame, këshilltarin e kryeministrit për çështjet e territorit dhe urbanistikës, Artan Shkrelin, dhe anëtarin e Forumit për mbrojtjen e Trashëgimisë Kulturore Auron Taren. Këta të tre duhej të ishin të parët që do ngriheshin kundër projektit “Veliera” në Durrës, që po shkatërron pasurinë kulturore të qytetit dhe, por nuk ka ndodhur kështu.
“Fat i keq që Artan Lame ,Artan Shkreli dhe Auron Tare kanë vdekur.Të ishin gjallë në det e shihte veten Gjushi. Eh,…”, shkruan Xhafka.
Artan Shkreli e Artan Lame dikur kanë protestuar kundër një vendimi të qeverisë “Berisha” për të prishur rrethimin për zgjerimin e një rruge, ndërkohë sot ata nuk ngrihen kundër kryetarit të bashkise, Vangjush Dako, për prishjen e “mijërave vjet histori”. (D.D/Shuplaka)
Discussion about this post