Ironizon biznesmeni Alikaj: Paskam tentuar të vras atë që më qëllonte disa herë me shqelma në fytyrë!

Gati pesë ditë më parë ai u vu nën pranga nga Policia e Vlorës, për shkak të një konflikti fizik me punonjësit e parkimit, ndërsa dje iu dha masa e dënimit “arrest me burg” për vrasje të mbetur në tentativë.

Bëhet fjalë për biznesmenin vlonjat, Eduard Alikaj, i cili në një intervistë ekskluzive për “Shuplaka” ka deklaruar se katër persona të tjerë iu vërsulën dhe ushtruan dhunë ndaj tij, në parking.

Ai ka reaguar sërish, kësaj radhe përmes një shkrimi në Facebook.

“Paskam tentuar të vras me dëshirë personin që më qëllon disa herë me shqelma në fytyrë, vëllain e tij që po mban kunatin të mos futet për të na ndarë, dhe vëllain tjetër që ndodhet mbas meje me xhiboks të kuq e tuta të zeza, që më godet me pllakë trotuari në kokë.”, shkruan Alikaj me ironi.

Ndër të tjera ai shton se thjesht ka mbrojtur veten, dhe nuk ka dashur të konfliktohet me njeri. Alikaj ende ndodhet në spital, për shkak të plagëve të marra në fytyrë.

Shkrimi i plotë i biznesmenit:

“Më treguan videon. Shyqyr thash me vete. Paskam Zotin edhe kësaj rradhe. Kushedi si do ishte vazhdimi i jetës time pa të. Sepse letrat kundër, (me miq e shokë) janè skèterrë.
Vrasje me dëshirë e mbetur në tentativë.
Paskam tentuar të vras me dëshirë personin që më qëllon disa herë me shqelma në fytyrë, vëllain e tij që po mban kunatin të mos futet për të na ndarë, dhe vëllain tjetër që ndodhet mbas meje me xhiboks të kuq e tuta të zeza, që më godet me pllakë trotuari në kokë.
Pikërisht ky qenka në reaminacion në rrezik për jetën.
Video është ekzaminuar në kompjuter nga miq. Fotogram me fotogram. Djali mbas meje, me xhiboks tq kuq e tuta të zeza, ndërsa unë jam shtrirë nga shqelmat në fytyrë dhe tentoj të ngrihem, godet mbas koke me një send të fort ngjyrë gri dhe në fotogramën tjetër këtë send e kalon nga dora e djathtë në dorë të majtë.
Unë kishë vënë re se fillimisht njëri nga agresorët kishte një pllakë trotuari ngjyrë gri dhe kërkonte të më godiste, akoma përpara se unë vendosa të nxirrja biçakun nga xhepi e ta përdorja kundèr tyre.
Kush nuk do mbrohej nga një agresion i tillë??!!!”. (D.D/Shuplaka)

VIDEO-ja së cilës i referohet Alikaj: