Irritime në Francë për vetëvrasjen e 15-vjeçarit nga bullizimi, drejtuesit arsimorë treguan arrogancë ndaj denoncimit të prindërve

Bullizmi në Francë është kthyer në një problem shumë të madh.

Një ngjarje e trishtë ndodhi pak ditë më parë, kur një adoleshent vrau veten për shkak të bullizmit. Sipas opinionit publik autoritetet kanë qenë joaktive në këtë ngjarje. 15-vjeçari u vetëtvra më datë 5 shtator një ditë pas fillimit të shkollës.

Një vit më parë prindërit e adoleshentit raportuan tek mësuesit në shkollë se djali i tyre ishte viktimë e bullizmit. Më pas me fillimin e vitit të ri shkollor djali ndryshoi shkollën ku edhe u vetëvra.

Ndërkohë në marsin e kaluar, psikologu i shkollës raportoi tek prindërit se djali i tyre kishte dashur t’i jepte fund jetës. Prindërit shprehën shqetësimin e tyre tek drejtuesit arsimorë të shkollës, por këta të fundit i cilësuan si “të papranueshme” deklarat e tyre.

Kjo situatë ka krijuar mjaft irritim në Francë për shkak edhe të arrogancës së drejtuesve të shkollës ndaj prindërve të të ndjerit. Drejtuesit kërcënuan se do ndërmerrnin hapa ligjorë ndaj prindërve, duke iu kërkuar të mbanin qëndrim konstruktiv.

1 në 10 nxënës në Francë është viktimë e bullizmit. Sakaq, qeveria e ka konsideruar si prioritet luftën ndaj bullizimit.