Isa Mustafa e sheh të pamundur koalicionin me PAN, mund të bashkëpunojë me AAK-në dhe Nismën nëse ikin nga koalicioni me PDK-në

Kryetari i Lidhjes Demokratike të Kosovës Isa Mustafa ka deklaeruar se e shikon të pamundur koalicionin me PAN. Ai thotë se mund të bashkëpunojë me AAK-në dhe Nismën nëse këto ikin nga koalicioni me PDK-në.

“Në qoftë se AAK’ja Nisma vlerësojnë se nuk mund të veprojnë brenda këtij koalicioni ata duhet ta përcaktojnë vendin. Ne do të jemi të gatshëm të flasim me ata vetëm kur ata nuk do të jenë pjesë e koalicionit me PDK’në’, theksoi Mustafa për televizionin publik.

Ai thotë se rezultati i zgjedhjeve të 11 qershorit nuk është pritur nga LDK.

Në Kosovë mbetet ende e paqartë se kush mund ta formojë qeverinë pasi askush nga partitë apo koalicionet nuk i kanë numrat për qeverinë. Ndërkohë që në disa pronocime të ditëve të fundit Haradinaj ka deklaruar se i kishte siguruar numrat për formimin e qeverisë. (B.H/Shuplaka)