Kryeministri i Kosovës Isa Mustafa, ka shprehur shqetësimin e qeverisë së Kosovës për ndalimin dhe procedurat që po zhvillohen për liderin e AAK-së Ramush Haradinaj.
Mustafa tha se Haradinaj është ndalur nga autoritetet franceze ne bazë të një fletarresti te motivuar politikisht dhe armiqësisht nga Beogradi.
Mustafa theksoi se qeveria e Kosovës kundërshton fletëarrestet e Serbisë, duke i quajtur akte plotësisht të paligjshme të padrejta, dhe me tendenca të qarta për të provokuar tensione konflikte dhe për të dëmtuar proceset evropiane në rajon dhe me gjerë.
“Ne e kemi bërë të qartë që në momentet e para të ndalimit të z. Haradinaj se të gjitha dikasteret kompetente të qeverisë janë duke u angazhuar me kapacitet të plotë dhe vazhdojnë të punojnë për të kontribuar në çdo formë për lirimin sa më të shpejtë të Haradinajt”, tha Mustafa.
Këto deklarime ai i ka bërë në mbledhjen e qeverisë së Kosovës paraditen e sotme. (E.K/SHUPLAKA)
