Ish- ambasadori i Shqipërisë në Kubë Çlirim Çepani, ka rrëfyer gjatë për marrëdhënien e tij me liderin kuban Fidel Kastro, gjatë periudhës së cilës ai ka shërbyer atje. Në një intervistë për News 24, Çepani ka rrëfyer disa nga momentet sesi ai e ka njohur liderin kubanez.
Ai vlerëson me nota të larta popullaritetin e Kastros dhe shprehet se ai diti të mbante marrëdhënie shumë të mira me pothuajse të gjitha shtetet e botës. Edhe pse një figurë kontraverse, liderit kuban nuk mund ti mohohet merita e ndikimit që pati në lëvizjet për pavarësi në shumë shtete afrikane.
50 vite në drejtim të një vendi padyshim që kanë edhe çështjet për të cilat historia do të tregojë që mund të ishin bërë më mirë. Lufta e klasave dhe regjimi totalitar që ai vendosi padyshim që nuk mund të quhen format më të mira të një qeverisje.
Çepani ka folur edhe për takimet nga afër me Fidelin, ku në një prej tyre rrëfen se i ka dhënë të provojë Kastros rakinë e Skraparit që kishte marrë me vete nga Shqipëria. Reagimi i tij kishte qënë për tu çuditur pasi i kishte pëlqyer pafund pija shiqptare. Dhe sidomos edhe bakllavaja që Çepani i kishte shërbyer.
Ndërsa i pyetur se çmendonte Fideli për Enver Hoxhën, ai ka deklaruar se lideri kubanez ishte diplomat i zgjuar dhe asnjhërerë nuk është shprehur drejtpërdrejtë për regjimin që Hoxha kishte vendosur në Shqipëri.
Pas vdekjes së Kastros në Kubë pritet të ndodhin zhvillime të rëndësishme. Pasi ai regjim, që ai vendosi për një gjysëm shekulli më shumë sesa socializëm mund të identifikohet me vetë emrin e tij si fidelizëm.
