Ish deputeti i PD, Clirim Gjata ka reaguar për fotografitë e kryeministrit Rama krah Shkëlqim Selamit, ndërsa thotë se po sfidon deklaratën e ambasadores së ShBA Yuri Kim. Në shkrimin e tij, Gjata thotë se Rama e injoron, ashtu sic ka bërë më parë, duke shtuar se “ai (Rama) e ka të qartë se pa mbështetjen e krimit të organizuar nuk fiton kurrë zgjedhjet”.
Kujtojmë se Yuri Kim u bëri thirrje të gjithë krerëve të partive politike që të sigurohen që të ishin të kujdesshëm në lidhje me personat që do të kandidonin në zgjedhje, në mënyrë që ata të mos ishin të përfshirë në afera korruptive.
Statusi i plotë: Edi Rama e ka të pamundur të ndahet nga bashkëpunimi me njerëzit e inkriminuar, pavarësisht presionit ndërkombëtar për tu ndarë prej tyre. Shefi i Rilindjes u shfaq sot në Vlorë gjatë një përurimi në krah me ish-deputetin e larguar nga politika me vendim të KQZ si pjesëmarrës në organizata kriminale, Shkelqim Selami.
Duke u shfaqur krah Selamit, Rama sfidoi publikisht sot ambasadoren e SHBA, Yuri Kim e cila vetëm dy ditë më parë ju dërgoi një letër partive kryesore shqiptare, që do të garojnë në zgjedhjet e ardhshme në lidhje me pastërtinë e figurës se kandidatëve të tyren.
Një paralajmërim të tillë Ambasada Amerikane e ka bërë edhe më parë, por gjithmonë Edi Rama e ka injoruar, sepse ai e ka të qartë se pa mbështetjen e krimit të organizuar nuk fiton kurrë zgjedhjet. Edi Rama është peng i krimit dhe pa largimin e tij politika nuk mund të çlirohet nga krimi i organizuar dhe korrupsioni.
Discussion about this post