Banorët e Astirit janë mbledhur si çdo mbrëmje duke bllokuar edhe qarkullimin e makinave në zonën pranë banesave të tyre, nga ku kundërshtojnë prej 10 muajsh projektin e vijimit të ndërtimit të “Unazës së Re” që sipas tyre është një aferë e pastër korruptive.
Si çdo mbrëmje, protestës i është bashkuar edhe ish-deputeti demokrat, Klevis Balliu i cili ka bërë edhe një deklaratë lidhur me ndërtimin e memorialit në nderim të trupave të rënë në grushtin e shtetit që u organizua në Turqi tre vite më parë dhe që është vendosur në Parkun e Liqenit, në Tiranë.
“Sot është zhdukur, sot ka ikur në drejtim të paditur pasi sot iu përplas në fytyrë ajo që nuk i përket popullit shqiptar. Ai monument nuk i përket askujt tjetër dhe interesat e qytetarëve shqiptarë dhe atë që përfaqëson Shqipëria në rajon përveçse me interesin e Edi Ramës dhe Erion Veliajt. Kush i ka paguar paratë për atë monument? Ka monumente sa të duash për të bërë në Shqipëri, sepse është vend i mbushur me heronjë që kanë dhënë jetën për liri dhe demokraci. Dhe sot është i njëjti popull që po ngre heronjë të cilët janë ngritur kundër një qeverie të lidhur me krimin dhe korrupsionin”, tha Balliu.
https://www.facebook.com/faxweb.al/videos/371723833518617/
(F.GJ/FAXWEB.AL)
Discussion about this post